Hoxhë Fatmir Latifi ka bërë thirrje të rinjëve të marin pjesë në konferencën të bashkuar kundër drogës, transmeton Gazeta Online Veriu.info.
Kjo ngjarje pritet të mbahet me 30 prill, e cila ka për temë për ata që duan të kuptojnë, për ata që duan të ndihmojnë, për ata që ndihen vetëm dhe nuk dinë ku të trokasin.
Postimi i plotë:
Ftesë dhe informacion për Shoqërinë e Mitrovices
Të bashkuar kundër DROGES
Të dashur prindër, pedagogë, të rinj dhe qytetarë të Mitrovicës,
Më 30 prill 2025, në ora 17:30
RESATURANT FRESKIMI afer Pompes shell Shipol
Do të mbahet një konferencë që nuk është thjesht një ngjarje – por një thirrje.
Një thirrje për vetëdije. Një thirrje për dashuri.
Një thirrje për jetë.
E organizuar nga Klsp Shipol dhe banorët e SHIPOLIT.
“Kur dashuria kërkon sy të hapur – Forca e Familjes dhe shoqëris kundër Drogës”
është më shumë se një titull: është një betejë që po ndodh në çdo shtëpi, në çdo shkollë, në çdo shoqëri. Dhe ne nuk mund ta fitojmë ketë betejë me indiferencë dhe vetem me fjale por të bashkuar dhe me vepra.
Mos e lejoni heshtjen ta mbysë shpresën.
Mos e lejoni turpin ta mposhtë dashurinë.
Ne jemi bashkë në këtë betejë. Feja, shkenca dhe shpirti i njeriut – të bashkuar për të shpëtuar jetë.
Le të jemi të fundit që dorëzohemi, dhe të parët që përqafojmë.
Kjo konferencë është për të gjithë: për ata që duan të kuptojnë, për ata që duan të ndihmojnë, për ata që ndihen vetëm dhe nuk dinë ku të trokasin. Ligjëruesit tanë – ekspertë të fushave të ndryshme – do të ndajnë dije, përvojë, dhe mbi të gjitha, shpresë.
Sepse të rinjtë tanë nuk kanë nevojë për gjykim – kanë nevojë për dritë dhe mirëkuptim.
Dhe nëse Zoti e ka krijuar dritën me një fjalë – edhe ne mund ta ndezim këtë dritë me një fjalim, me një përqafim, me një “Unë besoj në ty.”
Prindër, mos u bëni të verbër nga dashuria. Dashuria e vërtetë sheh, dëgjon, dhe vepron.
Të rinj, droga nuk është rruga e rebelimit, por e shkatërrimit.
Dhe si njeri i fesë, ju them me shpirt: Zoti nuk ju ka harruar. As ne nuk heqim dorë nga ju.
Disa fëmijë nuk kërkojnë ndihmë me fjalë, por me heshtje që na vështron çdo natë;
dhe Zoti na e ka dhënë zemrën jo vetem për ta mbajtur si mekanizëm, por për të ndjerë kur një shpirt është duke u humbur.
Ka të rinj që dhimbjen nuk e bërtasin, por luten në heshtje… dhe Zoti i dëgjon ato lutje jo me veshë, por me dashurinë dhe përkujdesjen tonë të munguar.
Sepse ndonjëherë, një zemër që sheh është më hyjnore se një lutje që flitet.
Ejani. Merrni pjesë. Bëhuni dritë për dikë që ka humbur rrugën.
Sepse lufta kundër drogës nuk fitohet vetëm me ankesa– por me zemra që nuk dorëzohen.
Në këtë konferencë do të marrin pjesë ligjërues profesionistë nga fusha të ndryshme që do të sjellin njohuri, përvojë dhe vizione konkrete për prindërit, shkollat dhe shoqërinë:
• Sadat Sahiti – Shef i Njësisë Antidrogë, Rajoni i Jugut
• Kreshnik Avdiu – Psikolog
• Arben Dashevci expert I kriminalistikes
• Shkëlzen Marevci – Publicist dhe Shkrimtar
• Besnik Xhaka – Ekspert i Kriminalistikës
• Faruk Sinani – Departamenti i Rinisë, KBI Mitrovicë
Do të ketë:
• Ligjërata profesionale dhe fletushka informative.
Panel diskutimi me pyetje nga audienca
Bufé falas për pjesëmarrësit
VËREJTJE:
Numri i pjesëmarrësve është i limituar për shkak të kapacitetit të sallës.
Konfirmimi paraprak është i domosdoshëm.
Për regjistrim dhe rezervim vendi na kontaktoni
