Humanisti dhe pronari i kompanisë “ Ariani Company”, Naser Imeri, ka realizuar një akt bamirësie duke dhuruar një banesë dy dhomshe në ndërtim e sipër për një qytetar në nevojë.
Bëhet fjalë për Liridon Krasniqin, i cili do të përfitojë nga kjo ndihmë në Obiliq. Imeri e ka cilësuar këtë si një moment të veçantë, duke theksuar se pikërisht këto veprime i japin kuptim punës dhe përkushtimit ndër vite.
Ai ka nënvizuar se suksesi merr vlerë të plotë vetëm atëherë kur ndahet me të tjerët, ndërsa ka bërë thirrje për solidaritet dhe mbështetje të ndërsjellë në shoqëri.
Postimi i Naser Imeri:
Sot ishte një ditë e veçantë për mua dhe për Ariani Company
Me shumë respekt dhe zemër të hapur, dhuruam një banesë dy dhomshe në ndërtim e sipër në Obiliq për Liridon Krasniqin.
Këto janë momentet që i japin kuptim punës dhe sakrificës ndër vite.
Besojmë se suksesi ka vlerë vetëm kur ndahet me të tjerët.
Le të vazhdojmë me ndihmu njëri-tjetrin sa të kemi mundësi.
