Janë të rralla rastet kur politikanë të caktuar humbin shumë gara politike por vazhdojnë të garojnë sërish me shpresën që ndoshta dikur do të marrë një ulëse diku.
Një rast i tillë është edhe Xhafer Gashi i LDK-së, i cili ka pësuar një humbje para pak javësh kur u mund nga Halil Thaçi i Vetëvendosjes në garën për kryetar të komunës së Obiliqit, shkruan Veriu.info.
Pa u këndellur ende nga humbja, Gashi si humbës synon tash Kuvendin e Kosovës në një garë të ashpër politike ku LDK nuk pritet të ketë ndonjë rritje të theksuar të votës.
Se cili do të jetë rezulati i tij në zgjedhje mbetet të shihet, por gjasat e tij në një garë të brendshme të LDK-së që dominohet nga kandidatët e Prishtinës, Gashi vështirë do t’ia del.
Tek e fundit do ta merrte edhe një epitet të radhës si “humbës”, me shpresë që do të fitojë ndonjëherë tjetër./Veriu.info/
