Dje, zyrtarë nga Qendra e LVV në Mitrovicë, në 25-vjetorin e rënies heroike të dëshmorës Fatime Hetemi, kanë bërë homazhe dhe vendosën buqetë me lule pranë bustit të dëshmorës Fatime Hetemit, Fehmi e Xhevë Lladrovcit në Mitrovicë!
Për ata që nuk e dinë dëshmorja Fatime Hetemi ishte motra e kryetarit të tanishëm të komunës së Leposaviqit, Lulzim Hetemi, i cili prej rreth katër muajsh po qendron i ‘ngujuar’ në objektin e kësaj komune veriore.
Pra, kryetari Lulzim Hetemi u fut në objektin e që Komunës së Leposaviqit në mëngjesin e 29 majit, për të mos dalë më nga aty deri në në publikimin e këtij artikulli.
Duke mos e lëshuar komunën fizikisht deri më tash, ai për pasojë nuk ka mundur të marrë pjesë në këtë aktivitet partiak kushtuar rënien heroike të motrës së tij.
Por në foto e publikuara në orët e vona të mbramjes nga LVV e Mitrovicës, shihet se aty ka mungur edhe kryetari i kësaj partie në Mitrovicë, Armend Muja.
“Fatime Hetemi, krah Fehmi e Xhevë Lladrovcit, me luftën e tyre, ballë për ballë me ushtrinë serbe, ngritën edhe më lartë moralin e luftës së UÇK-së, duke u bërë frymëzim edhe për shumë të rinj e të reja t’i bashkohen radhëve të Ushtrisë Çlirimtare, me qëllim, çlirimin e plotë të vendit, dhe për tu shndërruar në frymëzim të mbrojtjes së atdheut për çdo brez”, thuhet në njoftimin e LVV – Mitrovicë.
Në këtë aktivitet përveç zyrtarëve të LVV nga Mitrovica, mori pjesë edhe ministria Albulena Haxhiu dhe kryetari i Mitrovicës së veriut, Erden Atiq.
