Ndërsa lufta në Ukrainë vijon prej më shumë se një muaj, Rusia ka kërcënuar shtete të tjera gjatë javëve të fundit. Por kjo nuk është hera e parë.
Shtetet që ka kërcënuar Rusia janë anëtare të BE-së. Në vitin 2014, Putin i tha ish-presidentit të Ukrainës, Petro Poroshenkonë: “Po të doja, mund të kisha trupa ruse jo vetëm në Kiev, por edhe në Riga, Vilnius, Talin, Varshavë dhe Bukuresht brenda dy ditësh”.
Nëse Putin fiton në Ukrainë, nënpresidenti i Komisionit Evropian Valdis Dombrovskis i tha Politico-s në fillim të këtij muaji se ai ka të ngjarë të rrisë ambiciet e tij ushtarake dhe të sfidojë NATO-n në vendet e Detit Baltik, Lituania, Letonia dhe Estonia.
“Nëse nuk e mbështesim Ukrainën, ajo nuk do të ndalet në Ukrainë. Është e qartë se Putini është tani në një mënyrë lufte agresive dhe për fat të keq, ky agresion ka të ngjarë të vazhdojë në vende të tjera”, tha ai.
Kur u pyet nëse ishte veçanërisht i shqetësuar për Moldavinë, ai përmendi vendet baltike.
Deputetja ukrainase Inna Sovsun i tha së fundmi Express.co.uk se Putin nuk do të ndalet në Ukrainë dhe se ai mund të synojë anëtarët e NATO-s.
Ajo deklaroi: “Ne hoqëm dorë nga armët tona bërthamore në 1994 në këmbim të garancive nga Mbretëria e Bashkuar dhe Shtetet e Bashkuara se siguria jonë do të garantohej. Ky ishte një premtim i shkruar i bërë nga Mbretëria e Bashkuar dhe SHBA, dhe ata aktualisht po e shkelin atë”.
