Ilir Kërçeli, shef i kabinetit të kryetarit të Kuvendit të Kosovës ka reaguar përmes një shkrimi rreth tenderëve një burimor, duke publikuar një të tillë të komunës së Prishtinës që drejtohet nga LDK, raporton Veriu.info.
Ai ka shkruar se nuk ka ditë që Qeveria Kurti nuk akuzohet për kontrata njëburimore e që ministri Liburn Aliu tregoi se ministria e tij e ka vetëm një kontratë të tillë.
Kërçeli ka publikuar një kontratë njëburimore të komunës së Prishtinës në vlerë 850 mijë euro për renovimin e byfejave në këtë komunë.
“Kjo është qeverisja e LDK-së dhe këtu natyrisht se nuk i shihni ata tek reagojnë. Është mirë të na tregoj Hykmete Bajrami e Lumir Abdixhiku.” – shkruan Kërçeli.
Postimi i plotë:
Nuk ka ditë që qeveria Kurti nuk akuzohet për kontrata njëburimore, ka javë e muaj që Ministria e Infrastrukturës akuzohet për kontrata njëburimore edhe pse mbrëmë ministri Liburn Aliu tregoi se në ministrinë e tij është vetëm një kontratë e tillë.
Kurse komuna e Prishtinës paska nënshkruar një kontratë njëburimore në vlerë 850.000.00 euro, për byfejat e institucioneve edukative-arsimore për vetëm tri byfeja apo kuzhina. Kjo është qeverisja e LDK-së dhe këtu natyrisht se nuk i shihni ata tek reagojnë.
Është mirë të na tregoj Hykmete Bajrami e Lumir Abdixhiku.
