Kanë mbetur edhe më pak se një muaj deri te ndeshja e madhe Shqipëri – Serbi, e cila do të luhet më 7 qershor.
Ndeshja do të luhet në “Arenën Kombëtare” dhe zhvillohet në kuadër të kualifikimeve për Kupën e Botës të vitit 2026, që mbahet në ShBA, Kanada e Meksikë.
Ashtu siç është pritur, interesimi për këtë ndeshje është shumë i madh.
Sipas mediumit nga Shqipëria “Telesport”, deri më tani – për vetëm 12 orë – u kërkuan 200 mijë bileta nga 50 mijë aplikues.
Më tutje, thuhet se kërkesat për bileta do të shkojnë deri në 800 mijë sosh.
Stadiumi “Arena Kombëtare” ka një kapacitet prej vetëm 22 mijë ulësesh, i cili për këtë ndeshje madje edhe do të ketë kufizime.
Aplikimi për një biletë për ndeshjen Shqipëri – Serbi do të jetë i hapur deri më datën 30 maj, derisa deri më 2 qershor do të njoftohen përfituesit e biletave për këtë takim.
