Ministria e Jashtme e Iranit tha se SHBA-të, si partneri kryesor i Izraelit, do të mbahen përgjegjëse për pasojat e “aventurizmit izraelit”.
Në një deklaratë, ministria tha se sulmi izraelit “e ekspozon sigurinë globale ndaj një kërcënimi të paparë” dhe i bëri thirrje bashkësisë ndërkombëtare ta dënojë atë.
Një zëdhënës i Forcave të Armatosura Iraniane tha se Izraeli kreu sulmet në Iran me mbështetjen e SHBA-së, raportuan mediat shtetërore iraniane.
Sekretari i Shtetit i SHBA-së, Marco Rubio, kishte thënë më parë se Uashingtoni nuk ishte i përfshirë në sulme.
Udhëheqësi Suprem i Iranit, Ajatollah Ali Khamenei, tha se Izraeli do të ndëshkohet rëndë. Khamenei pranoi se disa komandantë dhe shkencëtarë u vranë në sulme, por paralajmëroi se Izraeli kishte “përgatitur një fat të hidhur për veten”.
