“Klina kërkon dhe meriton ndryshimin në nivel lokal. Atë edhe do ta bëjmë. Ramiz Rrusta do të jetë kandidati ynë për kryetar për komunën e Klinës”. Kështu nis komunikata e Lëvizjes Vetëvendosje me të cilën njoftohet opinioni se kandidat i tyre për kryetar të Komunës së Klinës do të jetë Ramiz Rrustaj, raporton Veriu.info.
“Me përvojën e gjatë institucionale dhe me vullnetin e madh për punë, Ramiz Rrusta është kandidati i duhur për komunën e Klinës”, thuhet ndër të tjera në komunikatën e LVV.
Por cila është përvoja e tij institucionale?
Veriu.info ka hulumtuar biografinë e tij, ku kemi kuptuar se Ramiz Rrustaj ka qenë nënkryetar i Komunës së Klinës nga PDK.
Tashmë kandidati i LVV për kryetar komune, në vitin 2014 kishte kandidatuar për deputet, ku në fushatë paraqitej përkrah ish liderit të PDK-së, Hashim Thaçi.
Në vitin 2018 ai kishte aderuar në AAK-në e Ramush Haradinaj, ku si duket as aty nuk mund të ‘rahatohet’./Veriu.info
