Sot në orët e mesditës, Njësia Rajonale e Trafikut në Mitrovicën e Jugut, saktësisht në segmentin rrugor Vushtrri, ka gjobitur një shofer të veturës i cili po drejtonte automjetin në shpejtësi 110 km/h, raporton Gazeta Sinjali.
Siç njofton, Policia e Kosovës shpejtësia e lejuar në atë zonë është 40 km/h, por që shoferi nuk e ka pasur parasysh këtë masë të lejuar.
Lidhur me rastin, ndaj shoferit është shqiptuar gjobë prej 300 euro si dhe i është konfiskuar patent shoferi për tre muaj radhazi.
Policia e Kosovës, tashmë po përdor pajisjet e reja teknologjike të cilat kanë hyrë në fuqi që nga data 1 e këtij muaji, përmes të cilave synohet siguria më e madhe në rrugë.