Pas deklaratave të kryeministrit Kurti se emisari i Bashkimit Evropian për dialogun Kosovë-Serbi, Miroslav Lajçak, ka njëanshmëri në dialog, erdhi reagimi i të dërguarit të SHBA-ve për Ballkanin Perëndimor, Gabriel Escobar.
Escobar tha se janë shqetësuese këto mesazhe që vijnë nga Kosova duke bërë thirrje për konstruktivitet nga pala kosovare.
Në lidhje me këto deklarata ka folur për “Gazeta Blic” deputetja e AAK-së, Time Kadrijaj.
Kadriajaj tha se në kohën kur liderët e tjerë e kanë kundërshtuar Lajçak, ishte pikërisht Kurti që doli në mbrojtje të tij .
“Tashmë është bërë praktikë dhe asnjë veprim i zoti Kurti nuk na befason. Aleanca për Ardhmërinë e Kosovës ka qenë për përfshirjen e SHBA-ve në çështjen e dialogut dhe një prej reagimeve të zotit Kurti ka qenë se ne jemi me Evropë dhe se nuk kemi kufi me Meksikë dhe që dialogun e pati orientuar të udhëhiqet nga Bashkimi Evropian. Në periudhën kur liderët e tjerë e kanë kundërshtuar Lajçak dhe politikën e tij, Kurti ka dalë në mbrojtje të Lajçak. Ndërsa tani pas pranimit të planit për marrëveshje finale po i bën të gjitha këto ekzebicione që t’i ikë çështjes së dialogut”Deputetja e AAK-së tha se kryeministri Kurti nuk po sillet si lidership por po mendon për populizma që të mbaj elektoratin.
Ajo tha se për shkak të veprimeve të pamatura të tij, Kosova po i humb aleatët.
“Zoti Kurti në këtë rast nuk po sillet si një lidership por po mendoj me populizma ta mbaj elektoratin e vet dhe me këtë të vazhdoj kështu ose ta stopoj procesin e dialogut. Kosova është e sasnksionuar dhe pikërisht për shkak të veprimeve të zoti Kurti, të veprimeve të pamatura të paakordinuara që e ka sjellë Kosovën në një situatë palakmueshme. Kemi arrit me i humb aleatët dhe miqtë që na kanë përkrahë në të gjitha situatat edhe gjatë luftës, edhe pas luftës por edhe në formimin e Ushtrisë së Kosovës. Me këto politika është vështirë me ec përpara” deklaroi deputetja e AAK-së për “Gazeta Blic”
Kadriajaj tha se si AAK po punojnë për çështjen e mocionit dhe se sa më shpejt kjo Qeveri shkon në shtëpi, aq më mirë do të ishte për vendin.
‘Ne si Aleancë e kemi shyrtu mundësinë e mocionit të mosbesimit, po punojmë në atë drejtim, se di a do të arrijmë po sa më shpejt që kjo Qeveri të shkojë në shtëpi do të jetë më mirë për Kosovën dhe popullin tonë” deklaroi Kadriajaj për “Gazeta Blic”
I dërguari i Shteteve të Bashkuara të Amerikës (SHBA) për Ballkanin Perëndimor, Gabriel Escobar, tha se është i shqetësuar me mesazhet që vijnë nga Prishtina, në të cilat kritikohet emisari evropian për dialogun, Mirosllav Lajçak.
Escobar tha se nuk sheh “asnjë dëshmi të njëanshmërisë” te ndërmjetësi i dialogut Kosovë-Serbi, Mirosllav Lajçak.
“Unë nuk shoh asnjë dëshmi për marrëveshje të fshehtë në punën për të çuar përpara interesin e Serbisë në këtë”, tha Escobar për Rel raporton Gazeta Blic.
