Dega e PDK-së në Gjakovë në zgjedhjet e fundit ka arritur rezultatin thujase në të dobët ne nivel të Kosovës, pasi që kandidati i saj për kryetar të komunës ka marrë vetëm 5.74% të votave.
Kjo degë udhëheqet nga kryetari Hajdar Beqa, i cili për disa mandate ishte deputet i Kuvendit të Kosovës nga radhët e PDK-së, por përkundër kësaj partia që ai drejton po ‘dënohet’ rëndë me votë nga gjakovarët, raporton Veriu.info.
Edhe pse ka pësuar dështim total në fuqizimin e PDK-së në Gjakovë, Hajdar Beqa i ka mësyer garës për deputet në zgjedhjet e 28 dhjetor.
Madje, Beqa thotë se PDK në nivel të Kosovës do të dalë partia e parë me 30%, por që nuk flet për dështimin total të kësaj partie në degën që e udhëheq.
“PDK është angazhuar si kurrë me parë. E ka programin konkret që buron nga kërkesat e qytetarëve. am i bindur që PDK garon për vend të parë dhe do të del partia e parë me 30%”, ka thënë Beqa në një prononcim për media./ Veriu.info
