Gazetari Vehbi Kajtazi ka komentuar deklaratat e emisari të Bashkimit Evropian për dialogun Kosovë-Serbi, Miroslav Lajçak për Planin Evropian.
Ai ka thënë se ndërkomëbtarët kanë një pasiguri ndaj kryeministrit të Kosovës, Albin Kurti, lidhur me pranimin e planit franko-gjerman.
Sipas Kajtazit ndërkombëtarët më shumë janë të frikësuar nga refuzimi i Kosoës sesa nga Serbisë.
“Unë shoh një pasiguri të ndërkombëtarëve në raport me Kurtin. Ka ndryshuar qëndrimi në këtë proces dhe ky mos-besim i ka bërë ata që të qenë shumë të sigurt në atë që iu premton kryeministri Kurti dhe në atë që e pranon. Në këtë situatë çfarë kam parë është se më shumë janë të frikësuar nga refuzimi i Kosovës sesa nga ai i Serbisë. Kosovës i duhet më shumë një marrëveshje përfundimtare me Serbinë”, ka thënë Kajtazi.
Ai tutje ka thënë se me Asociacioni i cili veç është i përfshirë në këtë plan është problem pasi nuk dihet se si do të akomodohet në Kushtetutën e Kosovës.
“Ka plot njerëz që pajtohen me këtë. Maksimumi po, por ajo që e duam nuk besoj që është. Kam frik se me këtë marrëveshje nuk shkëputemi nga Serbia, kam frikë se sa herë diskutojmë me Serbinë ideja është se diçka duhet të japim. Asociacioni është pika kryesore që është problematike për Kosovën dhe vetë zotin Kurti i cili ka qenë kundër këtij mekanizmi. Sapo përmendet ky dokument atëherë qysh kemi me akomodu në kuadër të Kushtetueses. Po detyrohemi me ofru diçka pa e marrë njohjen”, ka thënë Kajtazi.
