Gazetari Vehbi Kajrazi ka thënë se vizita kryeministrit të Kosovës, Albin Kurti, në Shtetet e Bashkuara të Amerikës është hajgare.
Ai ka thënë se Kurti ka takuar vetëm këshilltarin e Sigurisë Kombëtare të Shteteve të Bashkuara të Amerikës, Jake Sullivan dhe atë në hyrje të një banese.
“Kjo është hajgare çka ka ndodhë në Amerikë. Kjo është hajgare është. 15 ditë me të qëndruar kryeministri në Amerikë, dhe e ka taku këshilltarin për siguri në hymje të banesës. Hajgare është kjo”, tha Kajtazi në RTV Dukagjini.
Tutje ai ka shtuar se ambasadori i Republikës së Serbisë në SHBA, Marko Gjuriq, është pritur nga presidenti i ShBA-së, por jo Kurti.
Kajtazi ka kujtuar edhe kohën kur Gjuriqi është arrestuar nga Policia e Kosovës.
“Gjuriqi që e kanë ngreh zhag Policia jonë prej veriu e kanë pru në Prishtinë e ka taku Biden-in. Kryeministri jonë se ka taku. Zhag e kanë ngreh. E kanë qitë në kombi, e kanë pru në Prishtinë, ka urinu në mes vete është bërë qull deri sa e kanë pru në Prishtinë e ka taku Bidenin. Ka urinu prej tute edhe e ka taku Biden-in, kryeministri jonë se ka taku”, tha ai.
“Kryeministri jonë se ka taku as Bidenin, as sekretarin e jashtë, as zëvendës presidenten, as sekretarin e mbrojtjes një këshilltarin për siguri e ka taku. Me gjasë në hyrje të banesës e taku atë”, shtoi Kajtazi.
