Ne zgjedhjet e kaluara në nivel lokal, partia me e madhe serbe në Kosovë “Srpska Lista”, nuk morri pjesë fare në zgjedhje e 23 prillit të vitit 2023, e si e tillë i’u dha mundësia që për herë të parë në 4 komunat veriore të kenë të përzgjedhur kryetar shqiptar.
Nga procesi i rregulltë zgjedhor do të zgjidheshin edhe 4 kryetarët e ardhshëm, ku Vetëvendosje kishte fituar në komunën e Mitrovicës së Veriut me kandidatin Erden Atiq, dhe atë të Leposaviqit me Lulzim Hetemin. Ndërkaq, PDK-ja kishte fituar Zveçanin me Ilir Pecin e Zubin Potokun me Izmir Zeqirin, shkruan Veriu.info
Në zgjedhjet e 12 tetorit del se kryetarët e këtyre komunave kanë këtë rezultat zgjedhor sipas KQZ-së në Mitrovicën e Veriut Erden Atiq radhitet i 3 pas 2 kandidatëve nga radhët e komunitetit serb, ai ka arritur të grumbulloj 11.49% të përqindjesë totale apo 690 vota, duke e bërë Atiqin kandidatin me serioz nga partitë shqiptare në veriun e vendit.
Kurse në Leposoviq, Lulzim Hetemi që është i njohur për “ngujimin” në komunë ka arritur të grumbulloj 2.89% të votave totale apo 104 vota gjithësej, duke u renditur i 6 nga gjithësej 7 kandidat për kryetar të Leposaviqit e madje ai renditet edhe prapa kandidatit të PDK-së për kryetar në këtë komunë.
Ndërsa Ilir Peci në Zveçan ka 3.41% ose në vota 137 sosh, edhe ky radhitet i 3 pas 2 kandidatëve serb për kryetar komune.
E në Zubin Potok, Izmir Zeqiri ka 4.69% ose në total 190 vota, e që radhitet i 4 pas dy kanidatëve të komunitetit serbë dhe pas kandidatit të VV-së në këtë komunë.
