Pas deklaratës për gruan e Kurtit e cila “trazoi” rrjetin, gazetari serb Branislav Kërstiq është sqaruar në ‘Politiko’, duke thënë se ajo është keqpërdorur dhe është nxjerrë nga konteksti.
“Është e kuptueshme që është keqpërdorur deklarata ime e cila është nxjerrë nga konteksti. Por ne sot mësuam një send tjetër, që gruaja e Kurtit po jeton në Norvegji”, ka thënë Kërstiq.
Për më tepër, Kërstiq ka theksuar se problemi me gjuhën ka shkaktuar një situate të tillë.
“Nuk jam duke përdorur gjuhën amtare dhe nuk dal në deklarata publike për të ofenduar asnjë komunitet. Mua më duket një zonjë e nderuar, bashkëshortja e kryeminstrit”, ka thënë ai.
Ndryshe, Kërstiq të hënën ka deklaruar se gruaja e Kurtit jeton dhe punon në Beograd.
Ndaj kësaj deklarate ka reaguar zëdhënësi i Qeverisë së Kosovës, Përparim Kryeziu, i cili i ka quajtur prentendime të pavërteta, duke thënë se bashkëshortja e Kurtit është e punësuar vetëm në NUPI dhe jeton midis Oslos dhe Prishtinës.
