Rikthimi i klubit të futbollit “Trepça” duket të jetë i njëmendët.
Pas paralajmërimeve se një sponsor i fuqishëm do ta mbështes disaherë kampionin e Kosovës në furboll, sot ky klub ka zyrtarizuar drejtorin e ri sportiv.
Kjo pozitë nga tash i tutje i takon Rafet Prekazit, ish trajner dhe ish futbollist i njohur, raporton Gazeta Online Veriu.info.
Njoftimin e ka bërë klubi përmes një njoftimi publik, ku Prekazi është mirëpritur nga kryetari i klubit, Nexhmedin Haxhiu.
“Sot kemi filluar një kapitull të ri në skuadrën e KF Trepçës, klubi ynë nga sot fillon një riorganizim ku synimi ynë kryesore është rikthimi i KF Trepçës në Superligën e Kosoves. Organizimin e klubit e fillojm me legjendën e futbollit Kosovar Rafet Prekazi, i cili është emëruar Drejtor Sportiv i Klubit.” – deklaroi Haxhiu.
“Jam shume i lumtur që jam rrikthyer në folen time besoj se kemi te bejme me nje projekt shume serioz ku ne momentin e pare qe me eshte prezentuar nuk kam hezituar dhe e kam pranuar ftesen ti bashkangjitem klubit dhe ta rrikthejm namin e dikurshem te skuadres se KF Trepçës në majat e futbollit Kosovarë, ku prioritet eshte rrikthimi ne Superligen e Kosovës.” – tha Prekazi./VeriuInfo/
