Një ngjarje tragjike ka ndodhur në orët e para të mëngjesit në Pejë, ku një grua ka humbur jetën pasi është goditur nga treni.
Burimet e Sinjalit bëjnë me dije se viktima është Florije Muriqi, rreth 50-vjeçare.
Rasti ka ndodhur rreth orës 05:32, në momentin kur treni ishte nisur nga Peja në drejtim të Fushë Kosovës. Për arsye që ende nuk janë sqaruar, gruaja është goditur nga treni dhe ka pësuar lëndime fatale.
Menjëherë pas njoftimit, në vendin e ngjarjes kanë dalë njësitet e Policisë së Kosovës dhe ekipi i Emergjencës së Pejës. Mjeku kujdestar ka konstatuar vdekjen e viktimës në vendin e ngjarjes.
Prokurori kompetent është njoftuar për rastin, ndërsa njësitet hetimore kanë nisur veprimet për zbardhjen e plotë të rrethanave që çuan në këtë tragjedi.
