Një emër i panjohur krejtësisht dikur në Kosovë, Dejona Mihali konsiderohet sot si një prej figurave më të fuqishme vendimmarrëse dhe ekzekutive, pa u përballur asnjëherë me një proces zgjedhor.
Sipas, gazetarit Arlind Imeri, Mihali ka fituar fuqi në skenën politike të Kosovës, falë besnikërisë dhe përkushtimit ndaj kryetarit të Vetëvendosjes, Albin Kurti.
“E njohur si bija e një greku, ka fituar një fuqi të madhe në skenën politike të Kosovës.
Kjo fuqi i është deleguar nga Albin Kurti, dhe më vonë, për shkak të servilizmit dhe besnikërisë së treguar ndaj tij, ajo ka marrë avantazhe shtesë që e kanë çuar në këtë pozitë.
Sot, ajo thuhet se kontrollon postimet e ministrave, ka ndikim të plotë mbi secilin deputet të Lëvizjes Vetëvendosje dhe ndërhyn në çdo vendimmarrje, tha Imeri në emisionin “Ora Shtatë” në Klan Kosova.
Nga ana tjetër, Ardian Gaxheri, thotë se përçarjet e shkaktuara brenda Lëvizjes Vetëvendosje, kanë derivuar kryesisht nga ky emër.
“Përveç ndikimit të saj destruktiv, Dejona Mihali ka sjellë edhe përçarje brenda Vetëvendosjes”.
Shumë zëra brenda lëvizjes, që nuk ndajnë mendësinë komuniste dhe kundërshtojnë centralizimin e vendimeve tek një individ, janë heshtur”.
Ka qenë pikërisht Dejona ajo që ka shuar këta zëra, duke mos lejuar që deputetët dhe anëtarët të jenë pjesë e vendimmarrjes”
Kjo situatë ka çuar në tensione dhe përçarje të brendshme brenda Vetëvendosjes”, tha tutje Gaxheri për emisionin Ora Shtatë në Klan Kosova.
Për më shumë detaje, ndiqeni videon e plotë:
