Korporata Energjetike e Kosovës në muajin qershor kishte hapur më titull të njoftimit “Furnizim me pjese rezerve dhe riparimi i vinçit hidraulik teleskopik 90t”, raporton Veriu.info
Vlera e parashikuar e kontratë për furnizim me pjesë rezervë dhe riparimi i këtij vinçi hidraulik teleskopik ishte 390.000 euro. Pra, sipas parashikimit maksimum oferta duhet ta arrij këtë vlerë, përderisa operatorët ekonomik presupozohet që do të ofertojnë dhe konkurojnë mes vetë me çmim më të lirë.
Sipas dosjes së tenderit të siguruar nga Veriu.info, shihet se në këtë procedurë të prokurimit ka ofertuar vetëm operatori ekonomik ORTU Sh.P.K. nga Prishtina.
Por ajo që bie në sy është se operatori ekonomik ORTU Sh.P.K. ka arritur që me precizitet maksimal të nxjerrë vlerën më të lartë të kontratës përmes ofertës së tij, pasi që ka ofertuar me çmim prej 309,985, raporton Veriu.info
Pra, operatori ekonomik ka ofertuar vetëm me çmim 15 euro më të ulët se sa vlera e parashikuar është shpallur fitues i tenderit, perderisa nëse do të kishte edhe ndonjë ofertues tjetër zor se do të mund ta fitonte këtë tender.
Korporata Energjetike e Kosovës se kjo kontratë është nënshkruar dje (20 shtator 2023), përderisa afati i operatorit ekonomik për përmbushjen e kësaj kontrate është 90 ditë, raporton Veriu.info
Te specifikimet teknike të detyrueshmë në dosjen e tenderit përshkruhen gjashtëdhjetë (60) pjesët dhe sasia e tyre që duhet të bëjë furnizimin operatori ekonomik, si dhe kriteret teknike, ku tregohet se operatori ekonomik fitues duhet të:
- Të bëjë edhe montimin e pjesëve në vinç si dhe testimin dhe lëshimin në punë dhe të jetë i licencuar nga prodhuesi i vinçit;
- Vinçi duhet të testohet pa pesha dhe me pesha maksimale të lejuara;
- Duhet të kryhet atestimi i litarit;
- Duhet të kontrollohet softweri me PLC;
- Të ofrojë deklaratën nga prodhuesi se pjesët për furnizim janë pjesë origjinale.
Siç mund të shihet te kriteret teknik, kompania duhet të bëjë testimin e vinçit dhe litarit, si duhet të kryhet kontrollimi i softwerit.
Por nga hulumtimi i Veriu.info është gjetur se kompania ORTU Sh.P.K. në Agjencinë e Regjistrimit të Bizneseve aktivitet primar e ka tregtinë me shumicë e pajisjeve elektroshtëpiake, por merret edhe me ndërtimin e objekteve banesore, transport të mallrave, tregti me mobile, etj., por nuk shkruan se është e specializuar për ateste dhe kontrolle te softwerëve. Nga 17 aktivitete të regjistrua në ARBK që ushtron ORTU Sh.P.K., 12 prej tyre kanë të bëjnë me tregti./Veriu.info
