E s’ka vonuar shumë, raportimin e Veriu.info për përfshirje të emrave të njohur pa konsultime paraprake, e ka konfirmuar anëtari i kahmotshëm i PDK-së nga Drenasi, Fadil Demaku.
Ai përmes një njoftimi publik ka thënë se nuk dëshiron ti keqpërdoret emri nga grupe të caktuat të interesit në PDK, duke aluduar tek Ramiz Lladrovci i cili ka publikuar emrat e shtabit.
Lladrovci në postim ka shkruar se në këtë shtab janë emëruar emra të shquar si: Fadil Demaku, Ferat Shala, Sejdi Hoxha, Petrit Gashi, etj.
Postimi i plotë i Demakut:
Të nderuar anëtarë të PDK-së!
E pashë që më kishin lakuar emrin si anëtar i Shtabit Zgjedhor të Degës së PDK-së në Drenas. Askush nuk është konsultuar me mua për një gjë të tillë. Unë vërtetë jam me PDK-në dhe atë në kontinuitet prej kur është formuar. Gjithherë jam angazhuar për unitet dhe përfaqësim sa më të mirë. Gjë qe do ta bëj edhe në të ardhmen. Por, unë kam integritetin tim dhe nuk dua të më keqpërdorët emri për qëllime të caktuara dhe interesa grupore qofshin edhe brenda vet PDK-së. Nëse është e nevojshme që unë të jem pjesë e strukturave të tilla organizative së pari të më kontaktojnë kandidati ynë për Kryeministër z. Bedri Hamza dhe Kryetari Memli Krasniqi
Me respekt!
Rrena e Ramiz Lladrovci për emrat e “Shtabit Zgjedhor”, ai nuk i konsultoi të emëruarit
