Konfirmohet raportimi i Veriu.info: Ish kryetari i BIK (punëtori i Shaip Mikullovcit), Shemsi Rrahimi zgjidhet kryetar i FC Vushtrria

Klubi i futbollit Vushtrria sot ka mbajtur kuvendin zgjedhor ku kryetar u zgjodh Shemsi Rrahimi, ish kryetar i Bashkësisë Islame në Vushtrri.

Kështu u konfirmua raportimi i Veriu.info ku paralajmëroi zgjedhjen e punëtorit të Shaip Mikullovcit, Shemsi Rrahimig në krye të FC Vushtrria.

Vaki kosovare/Ish kryetari i BIK (punëtori i Shaip Mikullovcit), Shemsi Rrahimi pritet të bëhet sot kryetar i FC Vushtrria

FC Vushtrri në fillim të korrikut prezantoi si sponsor kryesor Shaip Mikullovcin duke thënë se ishte shoresa e fundit për klubin.

Rreth dy javë me pas FC Vushtrria kishte mbajtur Kuvendin e klubit për të zgjedhur organet drejtuese, përfshirë edhe kryetarin e klubit, mbledhje e cila ishte ndërprerë.

Veriu.info mëson se ish kryetari i BIK në Vushtrri, Shemsi Rrahimi, tashmë është punëtor i kompanisë “Emona Group” (Emona ShPK), pronar i së cilës është Shaip Mikullovci që tash është edhe sponsor kryetar i FC Vushtrria.

Kjo vërtetohet përmes një njoftimi të Këshillit të Bashkësisë Islame në Vushtrri të publikuar me 3 tetor 2024, ku Shemsi Rrahimi si përfaqësuesi i Emona Group i dhuron një furgon Këshillit të Bashkësisë Islame në Vushtrri në emër të Shaip Mikullovcit.

Kush është Shemsi Rrahimi?

Siç e cekëm edhe më lartë Shemsi Rrahimi ka qenë për një kohë të gjatë kryetar i BIK në Vushtrri.

Përveç kësaj detyre që e mbante e për të cilën ishte njohur, emri i tij është apostrofuar edhe për një skandal në Medresenë Alaudin, institucion i cili më vonë i kishte mohuar akuzat.