Gjatë vitit 2023 në Kosovë janë punësuar mbi 5 mijë punëtorë të huaj.
Kështu ka deklaruar kryetari i AKB-së, Agim Shahini.
Në lidhje me këtë çështje janë deklaruar njohësit e ekonomisë.
Eksperti i ekonomisë, Lulzim Beqiri, ka thënë se Kosova do të përballet me krizë të fuqisë punëtore pas liberalizimit të vizave.
Ai tha se shumë punëtorë janë përballë me diskrimin në vendin e punës, pagë të ultë, punë jashtë orarit dhe për këtë arsye do të shohin mënyrën për t’u larguar dhe punuar në vendet e BE-së, pas datës 1 janar.
“Republika e Kosovës do të përballet me krizë të fuqisë punëtore si rezultat i liberalizimit te vizave. Ndonëse kosovarët nuk kanë drejtë pune apo studimi sërish do të dalin jashtë shteti duke krijuar kontakte të reja dhe duke u paisur me leje pune si rezultat i kontakteve me kompani dhe individ të cilët kanë nevojë per fuqi puntore, në BE janë miliona vende pune prandaj e shoh shumë sfiduese situatën pas datës 1 janar.Shumë punëtorë kosovar janë perballë me diskriminim në vendin e punës, paga të ulta, mos-dhenie të pushimit vjetor, punë jashtë orarit e deri te kryerja e punëve personale për shefat e tyre”
Sa i përket ardhjes së punëtorëve të huaj në Kosovë, Beqiri, tha se nuk pritet të qëndrojnë gjatë pasi Kosova nuk ofron alternativa serioze për punë.
Ai potencoi se nuk pritet të ketë sukses importimi i punëtorëve nga jashtë.
“Janë qindra punëtor të administratës që janë duke e lëne punën e tyre dhe kjo vjen si mllef ndaj trajtimit të tyre si në paga si në dinjitet.Aktualisht paga në vendin tonë është shumë e vogel për t’u perballur me inflacionin e lartë.Mendoj se edhe punëtorët që do te vijnë të punojnë nuk kanë për të qëndruar shumë sepse shteti yne nuk ofron alternative serioze për punë, edhe bizneset janë delekuente sa i perket pagesave, prandaj dyshoj shumë qe ka me pas sukses edhe importi i punëtorëve” deklaroi Beqiri.
Edhe eksperti tjetër nga fusha e ekonomisë, Bedri Hasanaj, po deklaron se gjendja do të jetë e vështirë në disa sektorë, sidomos vitin e parë të liberalizimit të vizave.
Hasanaj thotë se të njëjtit kanë filluar të përgatiten duke marrë punëtorë nga India, Lindja e Mesme dhe Afrika.
“Shumë sektor tanimë ballafaqohen me mungesën e fuqisë puntore për shkak të migrimit. Sektorët më të prekur janë: Shërbimet, sigurisë fizike, ndërtimtarisë, pastrimit, industria e drurit etj. Pra janë kryesisht sektorët për të cilët nuk nevojitet ndonjë përgatitje profesionale. Shumë prej bizneseve tanimë zgjidhjen e kanë gjetur duke marrë fuqi puntore nga: India, Pakistani, Lindja e Mesme dhe vendet e Afrikës”
“Pas liberalizimit gjendja në këta sektor do të jetë edhe më e rënduar sidomos në vitin e parë. Pasi në fillim pritet një ekspansion i levizjes së punëtorëve per në vendet e BE-së. Kjo padyshim që bizneset i vendos në vështiresi në fuqinë puntore. Tanimë bizneset kanë fillu me gjet forma dhe me u pergatit për këtë gjendje. Dhe padyshim që zgjidhja mbetet fuqia punëtore e vendeve tjera. Kjo në periudhë afatshkurtë padyshim që do të paraqet problem për këto sektore, por prap besoj se biznesi në periudhë afatgjatë gjen forma të operimit” deklaroi Hasanaj.
Qytetarët e Kosovës pritet të lëvizin lirshëm në 26 shtetet e zonës Schengen, pas datës 1 janar.
