I ftuari i radhës në Blic Interview me Astrit Gashin është drejtori ekzekutiv i KDI-së, Ismet kryeziu.
Kryeziu ka treguar se cilat janë hapat kushtetues që duhet t’i ndjek Presidentja e vendit për të shkuar në zgjedhje.
Ai tha se brenda kësaj jave, Presidentja, veç se duhet të shpallë zgjedhjet e ardhshme.
“Unë besoj se Presidentja veç ka filluar t’i ndjek hapat kushtetues me caktimin e mandatarit dhe tani është në fazën e dytë 10-ditore pas dështimit të zotit Kurti për të marrë shumicën e nevojshme në Parlament. Takimi i sotëm me subjektet politike, ku të gjitha partitë sa kemi informacion kanë konfirmuar se asnjëra nga ato nuk është e gatshme të marrë mandatarin sepse nuk ka shumicën. Besoj se brenda kësaj jave Presidentja vetëm duhet të shpallë zgjedhjet e ardhshme dhe afatin kohor për zgjedhje parlamentare”
“Besoj se Presidentja mund t’a bëj shpalljen e zgjedhjeve menjëherë nëse sot ka marrë konfirmimin nga subjektet politike se nuk janë të gatshme por gjithsesi mund t’a shfrytëzoj edhe pesë ditë… deri me 5 nëntor mund t’a shfrytëzojë afatin kohor kushtetues për të parë në mënyrë individuale, ndoshta takime me subjektet politike dhe për të parë një adresim ose një zgjidhje të kësaj situate për të shmangur potencialisht zgjedhjet edhe pse tani po duken se janë të pashmangshme” tha Kryeziu në Blic Interview.
I pyetur nga gazetari Gashi nëse “Kushtetuta e kërkon që Presidentja të shkojë edhe një hap tutje, me i mbledh ndoshta veç e veç me tentu me kriju një Qeveri teknike ndoshta”….kështu u përgjigje Kryeziu.
“Unë besoj se ka nevojë, besoj që Presidentja ka në afat kohor edhe 5 ditë dhe mund të bëj takime individuale me subjektet politike për të parë mundësinë për një Qeveri ndoshta ‘tekno-krate’, një Qeveri tranzicioni ndoshta për dy-tre muaj derisa të kalohen disa situata siç është Ligji për buxhetin dhe çështje të tjera edhe më tutje të përgatitet Kosova për zgjdhje. Por varet jo nga hapat që do t’i marrë Presidentja por varet nga vullneti politik por Presidentja mund t’i marrë këto hapa. Besoj se duhet, efekt s’besoj se do të ketë por Presidentja besoj që duhet me mandatain e saj dhe përgjegjësitë e saj kushtetuese t’i përdorë të gjitha mundësitë për të ardhur deri tek funksionalizimi i institucioneve” tha Kryeziu në Blic Interview.
