Deputeti i Partisë Demokratike të Kosovës, Bekim Haxhiu, së bashku me qindra mijëra qytetarë të Kosovës, morën pjesë në varrimin e Faton Hajrizit, i cili iu dha lamtumira e fundit në një ceremoni të mbajtur në Klinë të Ulët.
Ai tha se Faton Hajrizi është personi i parë shqiptar që shkoi nga Kosova dhe vrau një serb në territorin e Serbisë, duke nënvizuar se deri tek ky rast, të gjithë policët, ushtarët dhe paramilitarët serbë janë vrarë në Kosovë.
Ndaj kësaj deklarate të Haxhiut, ka reaguar ministri i Punëve të Brendshme të Serbisë, Ivica Daçiq ku ka kërkuar arrestimin e deputetit të PDK-së, Bekim Haxhiu.
Pas këtij reagimi të Daçiqit, është kundërpërgjigjur deputeti Bekim Haxhiu, i cili thotë se Ivica Daçiq dhe Aleksandër Vuçiq duhet arrestuar sepse ishin pjesë e aparatit shtetëror të shtetit gjenocidial që kreu me dhjetëra masakra mbi popullin e pambrojtur shqiptar e vrau me mijëra fëmijë shqiptarë, gra e pleq në luftën e fundit, transmeton VeriuInfo.
Postimi i Bekim Haxhiu:
Daçiq e Vuçiq e Radojçiq duhen arrestuar
Pse është sot ministër në shtetin gjenocidial dhe mund të flasë në liri nuk është guximi i tij po është faji i “drejtësisë ndërkombëtare” e cila nuk e arrestoi për ta sjellë para drejtësisë.
Ministri që flet në liri e që ishte pjesë e aparatit shtetëror të shtetit gjenocidial që kreu me dhjetëra masakra mbi popullin e pambrojtur shqiptar e vrau me mijëra fëmijë shqiptarë, gra e pleq në luftën e fundit, vazhdon me mendësinë e gjenocidit dhe të mesjetës.
Nuk është vetëm ministri, po është edhe presidenti i tashëm i shtetit gjenocidial që nuk shmangi nga rruga e së keqes, që duhen arrestuar së bashku me kriminelin e mbrojtur përgjegjës për vrasjen e policit Afrim Bunjaku dhe për sulmin e për aktin e fundit terrorist në Kosovë.
Derisa askush nga shteti gjenocidial nuk ka kërkuar falje dhe po askush nga policia e po këtij shteti gjenocidial nuk ka marrë ndëshkimin e merituar për krimet e kryera nga policia dhe ushtria e tyre, kjo do të thotë se ata nuk janë penduar për krimet e kryera po ecin drejt së keqes dhe keqbërjes.
Në një situatë të këtillë është krejt e logjikshme për të pasur respekt për ata të cilët likuidojnë këtë polici vrastare të shtetit gjenocidial që edhe sot vazhdon të bëjë terror mbi shqiptarët në Preshevë, në Medvegjë e në Bujanovc, po edhe mbi njerëzit tanë në pikat kufitare.
