Gazetari Ilir Mirena ka pyetur direkt zyrtarët e LDK’së, Visar Azemi dhe Jehona Lushaku-Sadriu se nëse PDK’ja ua jep postin e kryeministrit a do ta krijojnë qeverinë.
“Kurrë nuk po e preni. Kur njerëzit e interpretojnë këtë paqartësinë e juve, po thuni pse po na gjuni neve, sepse jeni të paqartë”, tha Mirena.
Azemi në emisionin Pressing në T7 tha se ‘Po jemi në qeveri sepse e udhëheqim atë’.
Ndërsa, Lushaku-Sadriu thotë se nëse partia fituese nuk arrin me bo qeverinë, atëherë edhe LDK’ja do ta luajë rolin e saj.
“Është çështje e negociatave dhe rrethanave, qysh sillemi dhe cka kërkojmë në periudha të ndryshme kohore. Nëse vjen puna me u kriju qeveria nga partitë e tjera jasht VV, duhet me negociu, me pa qysh ndahen, cka synohet? Është cështje e hapur negocimi. Idealja është që na të shkojmë me një shumicë të konsoliduar që garanton edhe stabilitet. Edhe na kemi të drejtë me synu idealen, por cka vendosim pastaj është pjesë e negociatave. Kushtin kryesor e kemi, me shku përpara, me pas kryeministrin, dhe me realizu projektet tona kryesore, për të cilat kemi marr legjimitet prej qytetarëve”, tha ajo.
