Një grua e moshuar i ka dhënë vazhdimisht para një të panjohure, nga keqardhja. Mashtruesja u arrestua kur viktima do t`ia jepte asaj paratë e radhës
Një grua e moshuar do të merrte 3000 franga nga një bankë, ku shërbimet e urgjencës u gjetën aty menjëherë. Kur takuan viktimën në bankë, zbuluan se 74-vjeçarja i kishte dhënë para një gruaje që nuk e njihte në disa raste gjatë dy muajve të fundit, transmeton albinfo.ch. Dhe po pritej një tjetër dorëzim parash.
Pak kohë më vonë, hetuesit zbuluan gruan e përshkruar nga viktima, pranë vendndodhjes. Ajo pastaj hipi në një makinë por u ndalua nga shërbimet e urgjencës dhe mashtruesja e dyshuar u arrestua përkohësisht.
Në marrjen në pyetje viktima tha se e akuzuara fillimisht i ishte afruar asaj në rrugë në prill të vitit 2022 duke ju ankuar për një urgjencë. Në atë kohë ajo i kishte dhënë 50 franga nga keqardhja, shkruan zentralplusch. Më pas mashtruesja kontaktonte viktimën në intervale të parregullta kohe dhe vazhdimisht tregonte gënjeshtra të reja për nevojën që duhej marrë masa për shpëtim jete të anëtarëve të familjes së saj, jashtë vendit.
Një herë serbja 33 vjeçare nga Kosova kishte nevojë për para për një operacion urgjent për një shoqe, një herë tjetër kishte thënë se ajo vetë kishte një tumor në tru dhe kishte nevojë për kimioterapi, dhe pastaj përsëri kishte nevojë për para sepse duhej t`i hiqej një veshkë djalit të saj katër vjeçar në Kosovë, përcjell albinfo.ch.
74-vjeçara i kishte dhënë asaj paratë me besimin se do t`ia kthente. Mashtruesja po ashtu i kishte thënë se ishte në proces të shitjes së një prone në Kosovë dhe se më pas mund t’i përdorte të ardhurat për të shlyer borxhin, përcjell albinfo.ch. Të dyja palët kanë nënshkruar një marrëveshje shlyerjeje. Shuma e parave të dorëzuara kap vlerën e rreth 27 mijë frangave. Nga e dyshuara janë gjetur dhe konfiskuar gjithsej rreth 2500 CHF.
Prokuroria publike e kantonit Zug ka hapur procedurë ndaj 33-vjeçares serbe për mashtrim të shumëfishtë.
