Gazeta Online Veriu.info raportoi para dy ditësh për kërkesën e prodhuesit të njohur zviceran Nestle për tëheqjen nga tregu të disa nga produkteve të saj ushqimore për fëmijë pas dyshimeve për toksina në to.
Këto produkte përfshijnë formulat SMA, BEBA dhe NAN, kryesisht në Evropë, për shkak të një ndotjeje të mundshme me një toksinë që mund të shkaktojë të përziera dhe të vjella.
Lidhur me këtë Veriu.info ka kontaktuar me Agjencionin e Ushqimit dhe Veterinarisë se çfarë ka ndërmarrë me produktet e qumështit NAN, që në Kosovë operon shumë në treg.
AUV ka kthyer përgjigje sot lidhur ne këtë çështje duke thënë se ka caktuar menjëherë inspektorët e saj për të bërë gjurmueshmërinë e mallrave.
Pra bëhet fjalë për qumështin NAN, i cili sipas AUV po gjurmohet për t’u larguar nga tregu.
“Gjithashtu, Agjencia e Ushqimit dhe Veterinarisë, duke pasur parasysh njoftimin që ka marrë nga kompania AULONI SHPK, se Nestlé ka iniciuar një tërheqje vullnetare paraprake të disa loteve të formulave për foshnje nga brendi NAN, si masë sigurie, AUV ka caktuar menjëherë inspektorët e saj për të bërë gjurmueshmërinë e mallrave.” – thuhet në përgjigjen e AUV për Gazetën Online Veriu.info.
