Mediat në Kosovë gjatë ditës së sotme raportuan për një rast të arrestimit të dy personave afër Jarinjes pasi u ndaluan me një kombi me cigare.
Krejt kjo del të jetë e pavërtetë pasi asnjë person nuk është arrestuar lidhur me rastin, por janë ndaluar nga Policia e Kosovës afër urës së Bistricës dhe pasi verifikimit nga policia kufitare dhe dogana bashkë me ATK personat janë liruar bashkë me mallin e ngarkuar në kombin e tyre.
Krejt këtë situatë e ka shpjeguar në një prononcim për Gazetën Online Veriu.info menaxheri i kompanisë që po transportonte mallin, “Ajani Sh.P.K”, Shkelzen Salihu.
Ai ka thënë se kombi i firmës “Ajani Sh.P.K” është ndaluar nga Policia në magjistralen Leposaviq – Mitrovicë, afër urës së fshatit Bistricë.
Ai ka rrëfyer se nga aty janë kthyer në Jarinje por që zyrtarët në këtë pikë nuk arrinin t’i kuptonin faturat dhe dokumentacionin që ishte gjithçka në rregull.
Nga aty dy personat me mallin janë dërguar në doganë në Mitrovicë, ku dogana bashkë me ATK kanë verifikuar gjithçka dhe kanë konstatuar se është në përputhje me ligjin.
Pas kësaj dogana ka lëshuar mallin dhe kombi i “Ajani Sh.P.K” ka vazhduar për në destinacion.
Veriu.info ka siguruar edhe fletlëshimin e doganës:
