Analisti dhe profesori Blerim Latifi ka reaguar pas gjendjes së krijuar në veri të vendit.
Përmes një shkrimi në Facebook, Latifi tha se sonte Veriu praktikisht është në gjendje lufte.
“Sonte Veriu praktikisht është në gjendje lufte. Afër Ujmanit ka pasur këmbim zjarri midis policisë së Kosovës dhe paramilitarëve serbë, ndërsa njësitë policore që ruajnë dy pikat kufitare atje, tash janë të bllokuar pas vendosjes së barrikadave. Rrjetet sociale ende janë të heshtura, sepse të gjithë i kanë sytë tek ndeshja Francë- Angli. Edhe KFOR-i ende nuk ka folur. Mbase edhe ata janë të gozhduar para ekranit, si krejt shqipet”.
Ai u uroi fat policëve dhe gazetarëve të cilët thotë se po qëndrojnë atje nën kërcënimin e bandave kriminale.
“Çfarë të thuhet tjetër? Paqin fat policët e Kosovës që janë në veri! Edhe gazetarët e Kosovës që po mundohen të raportojnë nga atje, nën kërcënimin e bandave serbe! Ndërsa neve të tjerëve, të gozhduar para ekraneve duke parë futboll, na qoftë një marre e madhe!”.
