Ish-kryetari i Komunës së Vushtrrisë dhe kandidati i LDK-së, Xhafer Tahiri, ka paralajmëruar se nesër do të flas publikisht për “të vërtetën”, duke premtuar shpalosjen e fakteve dhe marrëveshjeve nën tavolinë.
Në një postim në rrjete sociale, Tahiri ka shkruar:
“Për të vërrtetën, me fakte, për marrëveshjet nën tavolinë dhe çdo gjë tjetër, nesër mrama në Kanal 10, ora 21:00h. Lideri i mirë nuk e ‘kall’ shtëpinë e tij!”
Ky reagim vjen pas debatit të fundit brenda strukturave të LDK-së në Vushtrri, pas marrëveshjes së përfolur mes kësaj partie dhe Lëvizjes Vetëvendosje.
Tahiri pritet të sqarojë publikisht pozicionin e tij dhe zhvillimet e fundit politike në Vushtrri, në emisionin që do të transmetohet të premten mbrëma në Kanal 10, nga ora 21:00.
