Deputetja e LDK-së, Jehona Lushaku-Sadriu, ka reaguar ashpër ndaj mbajtjes së mbledhjes së Këshillit të VV-së në objektin e Universitetit të Prishtinës, duke e quajtur këtë një shkelje të rëndë të pavarësisë institucionale.
Ajo theksoi se përdorimi i UP-së për qëllime politike është një formë e ngulfatjes së institucioneve të pavarura dhe dëmton funksionalitetin e shtetit, transmeton klankosova.tv.
”INSTITUCION I DIJES apo INSTRUMENT POLITIK
Sot, në objektin e Universitetit të Prishtinës, një institucion i pavarur që duhet të ruhet nga ndikimet politike, u mbajt mbledhja e Këshillit të VV-së. Partia më e madhe në vend VV-ja, edhe pas marrjes së vendimit nga UP, sërish jo vetëm që nuk e respektoj pavarësinë institucionale të UP-së, por e përdori atë si vegël të vet politike.
Kjo është mënyra si ngulfatet pavarësia institucionale e cënohet funksionaliteti i shtetit!”.
