operatorin ekonomik “Norway Travel” me pronar Mergim Alija nga pjesëmarrja në të gjitha aktivitetet e prokurimit publik për një periudhë tremujore, duke e futur kështu në “listën e zezë” të prokurimit.
Ky vendim vjen pas kërkesës së Komunës së Gjakovës , e cila raportoi se kompania u tërhoq nga disa pjesë të një tenderi për transportin e nxënësve, veprim ky që sipas tyre shkaktoi dëmtimin e buxhetit komunal.
Çka thuhet në vendim?
Sipas dokumentit të lëshuar nga Paneli Shqyrtues i Prokurimit, operatori “Norway Travel” diskualifikohet nga pjesëmarrja në prokurimin publik për një periudhë prej tre muajve, konkretisht nga data 4 maj 2026 deri më 3 gusht 2026.
Ky vendim u mor pasi paneli vlerësoi se kompania ka vepruar në kundërshtim me nenin 99 të Ligjit për Prokurimin Publik dhe nenin 25.9 të Rregullores për Prokurim.
Arsyeja kryesore lidhet me tërheqjen e operatorit nga lotet 4, 6, 7, 10, 37 dhe 53 të aktivitetit për transportin e nxënësve , veprim ky që e detyroi Komunën e Gjakovës të vazhdojë me ofertën e dytë me radhë, duke dëmtuar kështu buxhetin e autoritetit kontraktues.
Çka deklaroi kompania?
Kompania u mbrojt me deklarimin se tërheqja ishte vullnetare për arsye objektive ekonomike dhe mungesë kapaciteti, ndërsa mohoi kategorikisht paraqitjen e të dhënave të rreme apo dokumenteve të falsifikuara.
“OE Norway Travel, në përgjigjen e dhene ka deklaruar se subjekti ynë ekonomik është tërhequr vullnetarisht nga loti i fituar para nënshkrimit të kontratës, për arsye objektive ekonomike dhe mungesë kapaciteti për realizimin e shërbimit në përputhje me kushtet e ofertuara. Nuk është paraqitur asnjë e dhënë e rreme; Nuk është dorëzuar asnjë dokument i falsifikuar; Nuk ka pasur asnjë element mashtrimi apo deklarimi të pavërtetë gjatë procedurës së prokurimit“, kanë deklaruar nga kompania.
OSHP-ja konstatoi se dështimi në dorëzimin e dokumentacionit pas njoftimit për synim të dhënies së kontratës mbetet bazë për sanksionim.
Rrjedhimisht, hodhi poshtë pretendimet e operatorit, duke argumentuar se dështimi në përmbushjen e detyrimeve pas shpalljes fitues çon automatikisht në procedurë diskualifikimi.
Kundër këtij vendimi nuk lejohet ankesë, por pala e pakënaqur mund të nisë padi në gjykatën kompetente brenda 30 ditësh./Insajderi
