Mblidhet Kryesia e Partisë Demokratike të Kosovës u mblodh pasditen e sotme. Mbledhja po mbahet pa praninë e mediave, të cilat u lejuan vetëm të marrin pamje.
PDK-ja paralajmëroi se më vonë do të publikojë kumtesë për ecurinë e kësaj mbledhjeje.
Kjo parti nuk dha ndonjë detaj për çështjet që do të diskutohen. Por, mbledhja e kryesisë së PDK-së vjen në kohën kur pritet formimi i institucioneve të reja. PDK-ja edhe më herët ka shfaqur qëndrimin se po qe se partia që doli e para në zgjedhjet e 9 shkurtit lëvizja Vetëvendosje nuk arrin të formojë institucionet e reja, atëherë PDK-ja do të jetë e gatshme të marrë përgjegjësinë për formimin e qeverisë së re.
