Në kushte të tensionuara në Lindjen e Mesme, Mbretëria e Bashkuar ka njoftuar tërheqjen e përkohshme të stafit të saj diplomatik nga ambasada britanike në Teheran.
Vendimi është marrë si masë paraprake për shkak të situatës së brishtë të sigurisë në Iran.
“Ne kemi marrë masa paraprake për të tërhequr përkohësisht stafin tonë të Mbretërisë së Bashkuar nga Irani”, thuhet në deklaratën e lëshuar nga Zyra e Jashtme, Commonwealthit dhe Zhvillimit (FCDO).
Përkundër kësaj, Ambasada britanike në Teheran do të vijojë funksionimin nga distanca, për të siguruar vazhdimësinë e shërbimeve diplomatike dhe konsullore.
“Ambasada jonë vazhdon të veprojë nga distanca”, thekson më tej deklarata.
