Kuvendi i Kosovës ka miratuar në lexim të parë Projektligjin për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar.
Projektligji mori 91 vota për, ndërsa në votim nuk morën pjesë deputetët e Lidhjes Demokratike të Kosovës.
Me miratimin në lexim të parë, Projektligji pritet të kalojë në procedurat e mëtejshme parlamentare para shqyrtimit në lexim të dytë.
Debati për ndryshimet ligjore u zhvillua në një seancë të jashtëzakonshme, ndërsa jashtë Kuvendit u mbajt protestë ku qytetarët dhe veteranët kërkuan miratimin e ndryshimeve në Ligjin për Specialen.
