Pesë zyrtarë të Policisë së Kosovës janë paraqitur sot para Gjykatës Themelore në Prishtinë, dega në Lipjan, nën dyshimin se natën e 7 korrikut e vranë nga pakujdesia 27-vjeçarin Agon Zejnullahun në qendër të qytetit, transmeton Gazeta Online Veriu.info.
Gjykata Themelore në Prishtinë ka aprovuar kërkesën e prokurorisë për caktimin e masës së paraburgimit për pesë policët e dyshuar për “vrasjen nga pakujdesia” të 27-vjeçarit nga Lipjani, Agon Zejnullahu.
Masa e paraburgimit është caktuar ndaj: Ibrahim Nela – Rreshter në Stacionin Policor dhe zyrtarëve policorë: Albian Retkoceri, Artidon Konxheli, Liridon Rrahmani dhe Endrit Beqiri,
Theksojmë se më herët ka përfunduar seanca dëgjimore për pesë zyrtarët e Policisë së Kosovës që dyshohen për “vrasje nga pakujdesia” të 27-vjeçarit nga Lipjani, Agon Zejnullahu, të cilët sot janë paraqitur në mëngjes para Gjykatës Themelore të Prishtinës, dega në Lipjan./Veriu.info
Foto: Momenti kur zyrtarët policor me pranga në duar dërgohen në paraburgim pas mbajtjes së seancës
