Ministri i Sportit dhe Rinisë, Blerim Gashani, ka pritur sot në takim katateistin dhe kampionine e Lojërave Mesdhetare, Islam Selmanin, i shoqëruar nga kryetari i Federatës së Karatesë së Kosovës, Besart Baruti, raporton Gazeta Online Veriu.info.
Gashani ka vlerësuar lartë sukseset e karateistit Selmani dhe sukseset e Federatës së Karatesë së Kosovës.
“Për ne, çdo medalje e fituar nga sportistët tanë është e he një përgjegjësi për të vazhduar të investojmë më shumë në ta dhe në zhvillimin e sportit në vend.” – shkruan ministri.
Postimi i plotë:
Sot pata kënaqësinë të pres në takim karateistin dhe kampionin e Lojërave Mesdhetare “Taranto 2026”, Islam Selmani, njëherësh edhe nënkampion i botës në Karate. I shoqëruar nga Kryetari i Federatës së Karatesë së Kosovës, Besart Baruti, dhe Selektori dhe Trajneri i ekipit kombëtar, Isak Curri.
Islami na solli një tjetër moment të madh krenarie nga arena ndërkombëtare, duke shkruar historinë si fituesi i medaljes së parë të artë të Kosovës në karate në Lojërat Mesdhetare. Në Taranto, ai triumfoi në kategorinë deri në 60 kilogramë, duke mposhtur në finale karateistin turk Burak Özdemir me rezultat 1:0.
Për ne, çdo medalje e fituar nga sportistët tanë është edhe një përgjegjësi për të vazhduar të investojmë më shumë në ta dhe në zhvillimin e sportit në vend.
Urime për medaljen e artë, Islam!
Krenaria që na solle nga Taranto është e të gjithë Kosovës.
