Diçka e pahijshme ka ndodhur sot në njërën nga lokalet e vendit, ku po pinte kafe ministri i Bujqësisë, Faton Peci bashkë me një mik të tij, në një video të publikuar në rrjetin social TikTok, shihet se një vajzë e vogël po qëndronte tek tavolina e Pecit dhe shokut të tij duke kërkuar lëmoshë, por ministri nuk e kthen kokën fare kah vajza, teksa intervenon kamarieri.
Ai posa e sheh vajzën që nuk po largohej dhe ndodhej afër tavolinës së ministrit, e merr atë dhunshëm për ta larguar krejtësisht nga lokali.
Deputeti i Kuvendit të Kosovës, Behgjet Pacolli, ka reaguar pas publikimit të kësaj video përmes një shkrimi në llogarinë e tij në Facebook, ka thënë se “duhet pasur ndjenjat e ministrit që të mos reagosh ndaj një situate të tillë”.
“Bravo Ministër Peci… duhet pasur ndjenjat e MINISTRIT për të mos reaguar përballë një situate ku një vajza e vogël që kërkonte lëmoshë u hodh me dhunë nga lokali. Mjerë na!” – ka shkruar ai.
Vogëlushja është nxjerr dhunshëm nga një lokal para tavolinës dhe syve të Ministrit të Bujqësisë, Faton Peci.
