Ministri Financave, Hekuran Murati tha sot se është përmirësuar raporti eksport-import i mallrave.
Murati përmes një shkrim në Facebook ka thënë se në vitin 2019 ky raport ishte 1:9, ndërsa sot është 1:6.
I pari i Financave ka renditur ‘sukseset’ e deri tanishme në këtë sektorë.
Por, të shumta ishin reagimet kundër këtij postimi të Muratit.
Qytetarët të revoltuar me gjendjen aktuale në vend dhe rritjen marramendëse të çmimeve, e quajtën gënjeshtar Muratin.
Disa komente të qytetarëve ishin si: “Ik bre mytu”, “Rren mas rrene”, “Mos na mashtro”, Për dy vjet asni projekt, veç varfrim të këtij vendi, marre”.
Kujtojmë se, mbrëmë njoftimi i kryeministrit të vendit, Albin Kurti se Kosova ka shënuar progres ekonomik, përkatësisht rritje ekonomike ka irrituar qytetarë të shumtë.
I pari i ekzekutivit ka thënë se është rritur numri i të punësuarve, investimet e huaja si dhe është shtuar ndihma për qytetarët e bizneset.
Por krejt këto të dhëna nuk po i besojnë qytetarët, të cilët nuk kanë hezituar ta quajnë edhe “rrenc” kryeministrin.
Disa prej tyre kanë përmendur edhe faktin, e ikjes së të rinjve nga vendi. Një tjetër ironizon duke thënë “koka bo Zvicër”.
Postimi i plotë dhe pa ndërhyrje i ministrit Murati:
Në vitin 2019, raporti eksport:import i mallërave ishte 📊1:9.
Pra për çdo euro që mirrej nga malli i eksportuar, nëntë euro mall importoheshin.
Me rritjen enorme të eksportit dy viteve të fundit, ky raport është përmirësuar dukshëm dhe aktualisht është 📊1:6.
Ky hendek do të zvogëlohet edhe më tej, falë masave mbështetëse për prodhuesit tanë.
✅ 120 milionë euro për subvencionim të çmimit të energjisë elektrike.
✅ 50 milionë euro për subvencionim të produkteve bujqësore.
✅ 15 milionë euro për Masën 2.1, mbështetje për kredi investuese.
✅ 10 milionë euro mbështetje për eksport dhe çertifikim të produkteve.
✅ Mbështetje në rritje të punësimit e ngritjes së kapaciteteve njerëzore.
✅ Kursim në kosto e kohë me terminalet shtetërore./Insajder
