Mot i ftohtë në ditët e para të pranverës meteorologjike, me ngrica orëve të mëngjesit. Në fillim të javës mbeten mundësi për reshje bore, e nga dita e enjte më shumë kthjellime.
Sipas Prishtina Weather në dy ditët e para të javës, reshjet e borës edhe mund të paraqiten kohë pas kohe, megjithëse me intensitet të dobët, më shumë përreth viseve kodrinoro-malore.
Ngrica mbeten orëve të mëngjesit, megjithëse më të theksuara ditën e enjte e të premte, kur parashihen më shumë kthjellime, derisa orëve të pasdites me intervale më të gjata me diell.
Qarkullimi i mirë ajror në ditët e ardhshme, do të mbajë ndotësit ajror më të shpërndarë, e indeksi i cilësisë së ajrit do të jetë në vlera të pranueshme. Nga dita e mërkurë gjatë periudhave të qetësisë kryesisht në mbrëmje, do të ketë rritje të përqendrimeve të ndotësve, që bën indeksin të kaloj edhe në vlera të dobëta dhe shumë të dobëta.
28.02 – Ftohtë. Kryesisht me vranësira, e herë pas here priten edhe reshje të dobëta bore, më shumë përreth viseve malore.
1.03 – Mbetet ftohtë dhe kryesisht me vranësira. Përreth viseve malore kohëpaskohe me mundësi për reshje të dobëta bore.
2.03 – Kryesisht me vranësira dhe ftohtë. Ditën do të ketë edhe intervale me diell, e në mbrëmje edhe kthjellime.
3.03 – Kryesisht me diell, pasdite edhe me vranësira kalimtare. Në mëngjes ngrica.
4.03 – Pas mëngjesit me ngrica, ditën kthjellime dhe kryesisht me diell.
Temperaturat minimale me tendencë të rënies e luhaten ndërmjet -5C e -1C. Maksimalet më të ulëta në fillim të javës nga 1C deri 3C, ditën e enjte e të premte shënojnë rritje në 6C e 7C. Erërat do të fryjnë mesatare dhe mesatarisht të fuqishme kryesisht nga veriu e verilindja 5-12m/s.
Shtypja atmosferike luhatet në vlera mbi normale.
