Gjykata Speciale nuk i dha leje ish-presidentit Hashim Thaçi të marrë pjesë në varrimin e babait të tij.
Nga avokati i tij, Luka Mishetiq,u njoftua se kërkesa për të marrë pjesë në varrim është dorëzuar që dje para orës 14:00.
“Kam marrë shumë pyetje mediatike sot në lidhje me një deklaratë të Dhomave të Specializuara sot në mëngjes duke sugjeruar që klienti im, Hashim Thaçi, nuk ka bërë asnjë kërkesë për të marrë pjesë në varrimin e babait të tij. Për të korrigjuar regjistrimin: Z. Thaçi ka bërë kërkesë dje para orës 14:00 për të marrë pjesë në varrimin e sotëm. Zoti Thaçi nuk do të marrë pjesë në varrimin e sotëm. Nuk do të kem asnjë koment të mëtejshëm për momentin”, ka shkruar avokati i Thaçit në X.
Por cilat janë arsyet e mundshme që ish-Presidentit Thaçi nuk iu mundësia pjesmarrja në cermominë mortore të babait të tij , Haxhi Thaçi.
Në lidhje me këtë vendim të Speciales ka folur për “Gazeta Blic”, avokati, Skënder Musa.
Musa tha se nëse është bërë kërkesë për pjesmarrje në varrim dhe kjo nuk u aprovua padyshim se është në kundërshtim me dispozitat ligjore.
Ai tha se procedura penale nuk konsiderohet vetëm si mjet i një aparati dhune pasi që nga shek 19 kërkohet që të respektohen të drejtat e të dyshuarve.
“Nuk ka as një sqarim se ka parashtruar kerkesë ish-presidenti për të marr pjesë në varrim. Në mjetet e informimit kemi pas informata të ndryshme.Nëse ka bërë kërkesë që të marr pjesë në varrimin e prindit dhe Gjykata Speciale nuk e ka aprovuar pa dyshim se ka vepruar në kundershtim me dispozitat ligjore.Procedura penale nuk duhet te konsiderohet vetem si mjet i nje aparati dhune sepse qe nga shek 19 kërkohet që të jetë humane që do të thotë se duhet të respektohen të drejtat e të dyshuarve, të akuzuarve dhe të denuarve” tha avokati Musa.
Avokati Musa potencoi se kjo mund të jetë edhe një përpjekje e Gjykatës për t’a përulur një personalitet si Thaçi por sipas tij kjo gjë s’mund të ndodhë pasi ish-Presidenti gëzon shumë respekt në Kosovë.
“Nëse ka pas kerkesë për pjesmarrje në varrim nga ana e Presidenti dhe gjykata e ka refuzuar, kjo me të vertetë do te ishte absurde dhe në kundershtim me dispozitat ligjore, zakonete tona si komb dhe përpjekje për t’a perulë një personalitet të tillë si zoti Thaqi e që nje gjë e tille eshte e pa mundshme, per shkak te respektit që gëzon Hashim Thaçi ne Kosovë” deklaroi avokati Musa në një intervistë.
Me datën 13 mars, ish-Presidenti Thaçi u lejuar të vinte për disa orë në Kosovë që të vizitonte babain e tij të sëmurë në QKUK.
Kjo vizitë u shoqërua me masa të rrepta siguria nga ana e Gjykatës Speciale.
