Analisti Ilir Ibrahmi e ka quajtur akt arbitrar, vendimin e Ministrisë së Financave për ndaljen e pagës së grevistëve, për aq kohë sa janë në grevë.
Përmes një shkrimi në “Facebook”, Ibrahmi nuk e sheh të arsyeshme që ministri i financave të vendos rreth pagesës së grevistëve.
“Qasja që “ne ta ndalim rrogën”, është një qasje e vjetër, e sistemeve që nuk kanë të bëjnë aspak me demokracinë. Nëse kjo qeveri ka ardhur në pushtet me mjete demokratike, me një votë mbi 50%, nuk mund të qeverisë me metoda diktatoriale dhe arbitrare”, shkruan Ibrahimi.
Postimi i plotë:
Ndalesa e pagave ndaj pjesmarrësve të grevës është një akt arbitrar që mund të vendos një presedan të rrëzikshëm.
Së pari, pjesmarrja në greva është një e drejtë ligjore.
E dyta, si mund të vendos ministri i financave të paguajë ose jo punëtorët që janë të punësuar në nivel komunal, ku secila komunë e ka buxhetin e ndarë, dhe e shfrytëzon atë në mënyrë të pavarur.
Së treti, buxheti i shtetit nuk mund të shfrytëzohet si pronë private e një ministri. Madje edhe në kompani private, ku i gjithë kapitali mund të jetë në pronësi të një individi, nuk mund të ndermerren masa të tilla sepse jane të jashtligjshme.
Qasja që “ne ta ndalim rrogën”, është një qasje e vjetër, e sistemeve që nuk kanë të bëjnë aspak me demokracinë.
Nëse kjo qeveri ka ardhur në pushtet me mjete demokratike, me një votë mbi 50%, nuk mund të qeverisë me metoda diktatoriale dhe arbitrare.
