Rritja e çmimit të energjisë elektrike që pritet të ndodhë ditëve në vazhdim po kritikohet mjaft shumë nga qytetarët.
Pavarësisht se kjo rritje do ta prek gjepin e qytetarëve, analisti kosovar, Ilir Ibrahmi, nuk mendon se një gjë e tillë është shqetësuese.
Madje ai thotë se rritja e çmimit të energjisë është vendim i duhur dhe se për këtë Qeveria Kurti duhet përshëndetur.
Tutje Ibrahimi ka treguar edhe arsye pse ky vendim është shtyrë.
Postimi i tij i plotë:
Rritja e çmimit të energjisë është një vendim i duhur për të cilin kjo qeveri duhet përshëndetur.
Ka vite që për arsye elektorale, ky vendim është vonuar duke e sjellur gjithë sektorin energjetik para një kolapsi.
Sipas statistikave, janë rreth 200 mijë familje që do të paguajnë dyfish më shumë për energji elektrike se sa deri tani, ndërkohë që për bizneset nuk do të ketë ndryshim.
Ky vendim padyshim se do të nxis debat ndërmjet subjekteve politike.
Uroj që ky debat të zhvillohet në baza të shëndosha, dhe jo i mbushur me populizëm.
Qeveria duhet të jap spjegimet e nevojshme pse e sheh të arsyeshme të shtrenjtoj rrymën për disa familje e disa jo, dhe opozita duhet të ofroj dhe argumentoj qëndrimet e veta.
