Policia e Kosovës, Drejtoria për Hetimin e Krimit të Organizuar dhe Krimeve të Rënda në bashkëpunim të ngushtë me Prokurorinë Themelore në Mitrovicë, ka realizuar një operacion në Mitrovicës me qëllim të luftimit të veprimtarive të kundërligjshme që ndërlidhen me organizimin e skemave piramidale dhe bixhozit të paligjshëm.
Gjatë bastisjeve janë sekuestruar prova të shumta materiale, përfshirë rreth 170 mijë euro para të gatshme, pesë automjete, armë zjarri si dhe pajisje të ndryshme që dyshohet se janë përdorur për aktivitete të kundërligjshme
Në këtë operacion që është zhvilluar më katër qytete, janë arrestuar 34 persona.
Veriu.info mëson se në mesin e të arrestuarve është edhe mitrovicasi Arber Berani.
Ndryshe, Arbër Berani para disa ditësh ka hapur në Mitrovicë fitnesin NOX Gym Athletics, duke e promovuar si fitnesin me investimin më të madh në Kosovë.
