Pas Zveçanit, lagimi nga puna i personelit shqiptarë po vazhdon edhe në Mitrovicën e veriut, proces ky që ka nisur me kthimin e kryetarëve të komunave nga Lista Serbe.
Veriu.info ka siguruar një vendim të kryetarit të Mitrovicës së veriut, Milan Radojevic, me të cilin i ndërprehet marrëdhënia e punës një shqiptari në këtë komunë, pas punës gjashtë mujore të tij.
Në arsyetimin e vendimit të siguruar nga Veriu.infoz thuhet gjoja se është shkelur përbërja e Zyres Komunale për Komunitete.
Siç mëson Veriu.info, kryetari Milan Radojevic tashmë u ka ndërprerë marrëdhenien e punës edhe dy punëtorëve shqiptar tjerë të kësaj komune.
Inicialet e tre punëtorëve të larguar nga puna janë: T.K, A.S, R.U.
Ndryshe, për më shumë se dy vita, Mitrovica e veriut ishte qeverisur nga Lëvizja Vetëvendosje përmes kryetarit Erden Atiq.
