Janë bërë një vit që nga vdekja e ish-menaxherit të Babastars dhe bashkëshortit të ish-Miss Kosova, Besa Gashit, Albert Krasniqit.
I njëjti u privua nga jeta më 27 janar të vitit 2021 nga i ati, ndërsa ngjarja tragjike ndodhi në një nga lagjet e Prishtinës.
Lajmi për vdekjen e tij u konfirmua edhe nga zëdhënësja e Policisë së Kosovës për rajonin e Prishtinës, Flora Ahmeti.
Skënder dhe Albert Krasniqi
“Rreth orës 17:00 policia ka marrë informatën për një vrasje të ndodhur në rrugën ” Ndue Perlleshi” në Prishtinë. Menjëherë pas marrjes së informatës policia ka dalë në vendin e ngjarjes dhe po ndërmerr të gjitha veprimet e nevojshme që konsistojnë në hetimin e rrethanave që karakterizojnë ngjarjen”, tha Ahmeti për Telegrafin.
Krasniqi para disa viteve ka qenë anëtar i Babastars, teksa ruante miqësi me një pjesë të estradës. I ndjeri ishte i përfshirë në plagosjen e reperit nga Shqipëria, Noizy, ngjarje kjo që ndodhi në shtator të vitit 2016.
Alberti ndërkohë ishte dënuar nga gjykata me gjashtë muaj burgim me mundësinë që dënimin ta shlyente me para. Vendimi i gjykatës gjithashtu e ngarkonte Krasniqin edhe me një dënim shtesë prej tetë mijë eurosh për veprat e tjera në aktakuzë.
Albert Krasniqi
