Eugen Cakolli nga KDI, ka treguar sesi po shkon çështja e numrit të deputetëve sipas partive politike, teksa numërimi i votave me kusht po vazhdon.
Ai ka thënë se dallimi mes koeficientëve më të ndjeshëm për ndarjen e mandateve (LVV 57 – PDK 23 – LDK 15) është vetëm rreth 10 pikë mes secilës, çfarë në terma praktikë përkthehet në vetëm disa qindra vota neto diferencë në nivel kombëtar, që e kanë bërë dallimin mes mandateve.
Por, teksa numërimi po vazhdon, ai thotë se numri mandatëve mund të ndryshojë përderisa numërimi vazhdon.
“Votat me kusht ishin faktori që e lëkundi ndarjen e mandateve, pasi në këtë segment PDK performoi dukshëm më mirë se LDK (gati dyfish më shumë vota), ndërsa LVV ishte pak mbi përqindje e saj në votë vendore. Rrjedhimisht, balanca e mandateve mbetet shumë e brishtë. Dallimi mes koeficientëve më të ndjeshëm për ndarjen e mandateve (LVV 57 – PDK 23 – LDK 15) është vetëm rreth 10 pikë mes secilës, çka në terma praktikë përkthehet në vetëm disa qindra vota neto diferencë në nivel kombëtar, që e kanë bërë dallimin mes mandateve. Me rreth 14 mijë vota me postë ende për t’u numëruar, mandati i fundit i të trija këtyre partive mbetet ende në lojë”, ka thënë ai.
“Brenda këtij konfigurimi, gjasat më reale për ndryshim janë në raportin PDK ↔ LDK, veçanërisht nëse trendi i deritanishëm i votave me postë vazhdon, çka potencialisht mund t’ia rikthejë LDK-së mandatin e 15-të nga PDK-ja, e cila do të zbriste në 22 mandate sërish. Në anën tjetër, LVV e ka të vështirë të arrijë mandatin e 58-të, përveç nëse realizon një performancë edhe më të lartë se ajo paraprake – konkretisht, një nivel rreth ose mbi 80%, krahasuar me rreth 72% sa kishte deri më tani në votat me postë”, ka thënë ai.
