Presidentja e Kosovës, Vjosa Osmani, mbajti një fjalim para studentëve të “Sophia University” në Tokio, ku theksoi rëndësinë e mbrojtjes së demokracisë dhe kujtoi luftën e fundit në Kosovë, si dhe sakrificat e mëdha për të siguruar të drejtën e mësimit dhe lirinë nën regjimin serb.
Osmani nënvizoi se vetëm një ditë më parë Kosova shënoi 26-vjetorin e Ditës së Liberalizimit, duke e cilësuar atë si një moment historik dhe me rëndësi të madhe për popullin kosovar.
“Vetëm dje shënuam Ditën e Liberalizimit të Kosovës dhe ishte 26-vjetori i liberalizimit tonë, një ditë me rëndësi të thellë për popullin e vendit tonë. Është dita kur thirrja jonë e gjatë për liri më në fund mori përgjigje pas shekujsh sakrifice”, tha presidentja Osmani.
Ajo përshkroi periudhën e vështirë të rritjes së saj nën regjimin shtypës, ku identiteti kombëtar dhe arsimi u sulmuan rëndë.
“Unë linda dhe u rrita nën një regjim që përfundoi në një luftë të tmerrshme gjenocidale kundër popullit të Kosovës. Gjatë fëmijërisë sime kam qenë dëshmitare dhe kam jetuar nën një sistem që u përpoq të zhdukte identitetin tonë, të na heshtte zërin, të shuante ekzistencën tonë dhe të na zhdukte nga toka. Shkollat na i mbyllën, mësuesit po ashtu u larguan nga shkollat, fëmijët nuk ishin mësuar të ëndërronin, por të frikësoheshin”, shtoi tutje ajo.
