Presidentja Vjosa Osmani sot ka qëndruar për vizitë te familja e ish-presidentit Ibrahim Rugova në Ditën e Presidentit, një praktikë kjo e krijuar nga Rugova. Osmani për këtë ditë tha se tashmë është shndërruar në traditë.
“Në familjen e Presidentit Rugova, dera është gjithnjë e hapur për miq. Në Ditën e Presidentit, çdo vit pritja shoqërohet edhe me tortën e Presidentit, gatuar enkas për këtë ditë nga duart e arta të znj. Fanë, për ta kujtuar atin themeltar të Republikës”, ka shkruar Osmani krahas publikimit të fotografive nga kjo vizitë.
Gjatë ditës, Osmani bashkë me familjen e saj sot ka bërë edhe homazhe te shtatorja e ish-presidentit Rugova në sheshin që mban emrin e tij.
“Pavarësia ishte ideali i tij jetësor, të cilin e përjeton ky brez dhe të tjerë pas tij”, ka thënë ajo.
